Արյան հետազոտությամբ կարելի է հայտնաբերել դեպրեսիան

Կեյիո համալսարանի հետազոտողները մշակել են հատուկ թեստ, որը որոշում է մարդու արյան մեջ ֆոսֆորաթթվի խտությունը: Դրա մակարդակով արյան մեջ կարելի է որոշել` արդյո՞ք հիվանդը դեպրեսիայի մեջ է, թե ոչ:

Ավելի վաղ հետազոտությամբ հայտնաբերվել էր կապ ֆոսֆորաթթվի և դեպրեսիայի միջև: Դեպրեսիայով հիվանդների մոտ արյան մեջ նկատել են ֆոսֆորի և էթանոլամինի պակաս: Այժմ արդեն գիտնականներն արյան թեստով կարող են որոշել դեպրեսիան: Թեստավորման ճշգրտությունը  82% է:

Հետազոտության նոր տեսակը ներկայացվել է Տոկիոյում Կենսաբանական հոգեբուժության ճապոնական հասարակությունում: Հետազոտողները հույս ունեն, որ այս թեստը երկու տարի հետո հասանելի կլինի բժիշկներին: Թեստավորումը դեպրեսիայի որոշման միակ միջոցը չէ: Մշակվում են հավելյալ միջոցներ: Սակայն դրանք ուղղված են արյան սպիտակ գնդիկների  ԴՆԹ-ի ուսումնասիրությանը, ինչն ավելի երկար ժամանակ է պահանջում: Այս պահին գիտնականները ռեագենտ են մշակում, որը մեկ րոպեում կորոշի արյան մեջ ֆոսֆորի և էթանոլամինի մակարդակը:

Հարցեր, պատասխաններ, մեկնաբանություններ